Mubariz Ibragimov Etiket Arxivləri:

Ermənilərin çirkin oyunları davam edir

Bu yaxınlarda Odnoklassniki.ru şəbəkəsinin erməni istifadəçilərindən biri profilində Azərbaycanın Milli Qəhrəmanı şəhid Mübariz İbrahimovun cəsədi ehtimal olunan fotoşəkillər yerləşdirib. Fotoların həqiq olub-olmadığı dəqiq bilinməsə də, ANS-PRESS fotoların həqiqi olduğu barədə məlumat yayıb. Bunun ardınca həmin şəbəkə və bir sıra digər erməni forumlarında Azərbaycan ordusunun geri çəkilən əsgərlərinin həlak olmuş yoldaşlarını döyüş meydanında qoyması və bu tip yazılar yer almağa başlayıb. Maraqlı məqam isə ondan ibarətdir ki, Erməsistan höküməti bir ay boyunca Beynəlxalq Qızıl Xaç Komitəsinin şəhidin cəsədinin geri qaytarılması barədə müraciətinə “M.İbrahimovun cəsədi nə Ermənistan, nə də Dağlıq Qarabağ ərazisində yoxdur” cavabını verib. Ardınca isə Erməsintan KİV-də sistematik olaraq M.İbrahimovun Biləsuvar rayonunda dəfni barədə məlumatlar yayılmağa başlayıb.

Sual olunur, əgər şəhidin cəsədi ermənilərin qeyd etdiyi kimi cəbhənin onlara aid hissəsində qalmayıbsa bu fotolar haradan ortaya çıxıb və hansı məqsəd daşıyır? Yox əgər cəsəd onlardadırsa onun geri qaytarılmaması hansı məntiqdən irəli gəlir?

Bəzi fikirlərə görə Ermənistan ordusunda 6 əsgər və zabitin ölümü ilə nəticələnən son insident ətrafında gedən söz-söhbətin səngiməsi üçün gündəmə gətirildiyini bildirir. Bəzilərinə görə fotolar həqiq deyil, bəziləri isə bunun Azərbaycan tərəfində ruh düşkünlüyü yaratmaq üçün edildiyini söyləyir.

Fərziyyələrin müxtəlif olmasına baxmayaraq ortaq bir fikir mövcuddur – Ermənistan ənənəsinə sadiq qalaraq qeyri-insani, qorxaq və şərəfsiz siyasət yürütməkdə davam edir.