Green Energy Camp
Heydər Əliyev Fondunun vitse-prezidenti Leyla Əliyeva tərəfindən başladılmış İDEA (İnternational Dialogue for Environmental Action) Ətraf Mühitin qorunması üzrə Beynəlxalq Dialoq Kampaniyası, Azərbaycan Tələbə Gənclər Təşkilatları İttifaqı, Alternativ və Bərpa Olunan Enerji Mənbələri üzrə Dövlət Agentliyi və “Təmiz Şəhər” ASC-nin birgə təşkilatçılığı ilə 2012-ci il 22-25 mart tarixlərində Qobustan Eksperimental Poliqonu və Tədris Mərkəzində gənc ekoloqlar üçün “Yaşıl Enerji Düşərgəsi” davam edir. Layihənin əsas məqsədi gənc ekoloqların alternativ enerji resursları haqqında məlumatlılıq səviyyəsinin artırılması, gənclərin alterntiv enerji mexanizmləri və onların iş prinsipləri ilə daha yaxından tanış edilməsidir.
24 Mart tarixində “Yaşıl Enerji Düşərgəsi”nin iştirakçıları üçün İDEA-nın “Azərbaycan gənclərinin Rio+20 sammitinə səfərbər edilməsi” layihəsinin təqdimatı keçirilmişdir. Qeyd olunan layihə Heydər Əliyev Fondu və BMTİP Azərbaycan arasında imzalanmış anlaşma memorandumuna əsasən həyata keçirilir. Layihənin məqsədi BMT-nin Rio+20 sammiti öncəsi Azərbaycan gənclərinin sammit və dayanıqlı inkişaf konsepsiyaları barədə məlumatlandırmaq, onları bu prosesdə daha fəal iştirakını təmin etməkdən ibarətdir.
2 saat davam edən görüş zamanı İDEA Kampaniyasının nümayəndələri Ramiz Babayev və Rauf Mərdiyev layihə iştirakçılarına dayanaqlı inkişaf, yaşıl iqtisadiyyat və iqlim dəyişikliyi və onunla mübarizə, habelə Azərbycan gənclərinin bu proseslərdə rolu mühazirə demişlər. Daha sonra görüş sual-cavab formasında davam etdirilmişdir.
